ياريت باهي حال

ياريت باهي حالي * امجاور صحيح اللي صحيح امغالي * كسير منجرح

ياريت باهي انقول * امجاور اللي اميامى املن مكحول

حادر مدرج فيه جا مجدول * ضلامه غلب كحلت خريف ليالي

فارق ولي نا فوق منه الحول * ماعاد ريتى اللي ملازم بالي

عدى وبلاه الطيف جاني غول * خرب ارقادي و تاعبات احوالي

****** ****** ******

مريض صحيح * يانا انصبي اندوخ لين انطيح

من هم وغم وباس دوم انميح * وداخل الجوف اتقول سيف فالي

منبالغ الا قولي صحيح صريح * وقصرن اخطاي وقاصرات احوالي

والمشي لي تما الا تدرديح * لاسند جا من خوي لا من خالي

غبينه رحيله و نا في كل ريح * مشخشب تشخشيبة فقيد اوكالي

****** ****** ******

ياريت حالي باهي * سارح امرخى الجسم عقلي ساهي

وماعاد نافع كيف حتى الشاهي * كرهتى خلاص امرار والملالي

حتى الرغبه في الترف والجاهي * طارت النيه مشبع والمالي

وما يوم بعده ايكون عقلي زاهي * انفيت المشاكل حايطه بحوالي

ياريت باهي حالي * احدايى صحيح اللي صحيح انغالي * كسير منجرح

منقوووووووووووووول
_________________