انــــــــواع الســـلاطـــــــــــات

صباح االخير عليكم كيف حالكم ان شاء الله بخير ....اني اليوم حبيت انجيبلكم بعض من انواع السلاطات علي الطريقة البرازلية وعلي طريقة المغربية وتوكل علي ربي ونبدوا مع بعض :اولا علي الطرقة البرازلية:
* نأخد فاصوليا حمراء المعلبة وتتصفى من المية
* نأخد فقاع المعلب المقطع شرائح
* كورن اي اسبول المعلب جميعها تتصفى من الميه
* فاصوليا بيضاء العادية تغلي وتصفى وكان معلبة تصفى
*ممكن للحب إضيف علها دجاج يكون مسلوق في دباير يعني ملح وفلفل اكحل حب وقليل من الزيت وزنجبيل عودطيعا كل هذي الحاجات اتكون شوية منها حاولي متكتريلاش عطرية هلبه باش ميبننش في السلاطه.
* التتتبيله:قليل من الملح وقليل من الفلفل الاسود وبرشة ليمون حامض وقليل من الخل التفاح ونعناع مرحي وزيت زيتون.وتخلط جميع هذه المكوينات مع بعضيها وتأكل بارده وصحتين..
* نأخذ الفاصولياحمراء
* نأخد كل معندك من انواع الخضروات يعني مثل الجزر والكمون ونفس الشيء كورن وفقاع وجبنة متزوريلا تقطع الجبنة علي شكل مكعبات وبنجروزيتون اسود شرائح
* التتبيله:::ملح +فلفل اسود+ ثوم2 فصوص متوسطه او علي حسب الكمية الخضار الا عندك + قليل من خل الابيض وزيت زيتون ملعقه صغيره.
* تقطع جميع الخضروات علي شكل مكعبات متساوية,,,,وتخلط جميع المكوينات مع بعضها
سلاطة الموريزونة: وهي تتكون من :
* جبنة الموتزوريلا+ زيتون اسود واخضر+ مرتديلا لحم او دجاجوتقطع جميعها علي شكل مكعبات وزيتون طبعا شرائح وتتبيلة ..خل ابيض+ ملح قليل+زعتر مرحي+ نعناع مرحي يابس+وتخلط جميعها وتأكل بارده
ثـــانيـــاً علي الطريقة المغربية:
*نأخد جزر ويقطع علي شكل مكعبات ويسلق في الميه (حاولي متخليشي لين ولي مهروس يعني خلي نص طياب)
*ربطه صغيره من المعدنوس وربطه صغيره قصبر(حاولي انك تفرميه ناعم )+ زيتون اخضر+ ثوميعني من 3 الي 5 فصوص من الثوم .
*التتبيله::خودي زيت زيتون وشويه اسبوله في الطاوة علي نار هادئة وبعدين حطي نص ليمون و خودي بمجرد ميسخن الزيت علي طول حطي الثوم وبمجرد مثوم يبدأ يتحمر حطي الزيتون الاخضر وحاولي متخليش الثوم يتحمر لين ينحرق
وبعتالي حطي اعليه ملح + قليل من الفلفل الاحمر +بازر المغربي يعني الزعفران+قليل من كمون الحوت وتقلب جميع هذه المكوناتعلي نار وبعتالي حطي المعندنوس والقصبر وقلبيهم اشوية علي نار هادئة طبعا المكونات الا علي النارعلي خاطر باش ياخذوا التتبيله بمجرد يبدأ يذبل سكري النار وخودي الجزر بعد مصفيتيه من الميه المغلية حطيه علي المكونات في الطاوة وبتعالي حطيهم في الثلاجه وتأكل بارده ..وصحتين وبهناء والصحة يارب..

--------------------

صحيتي يأختي على الجهد الرائع

Very Happy

مشكورة يا أختي بس لاكن وينك ماتبينيش عالمنتدي إلا مرة في الشهر ؟