الفرق بين الليبي ......والاوروبي .....!!!!!
الفرق بين الليبــــــــــــي ...... والاوروبي .............!!
اليوم نختار مقارنة بسيطة بين الليبي والاوروبي ، وماقلناش الاجنبي ، حددنا الاوربي بالذات لاني عشت بره فترة من الزمن وتغلغلت في ثقافتهم وعاداتهم ولغتهم ، (ومن تعلم لغة قوم أمن شرهم )
الليبي دائما كل مايقوم به أرتجالي وبدون تخطيط (عامه) ينوض الصبح لابيه لاعليه فجأة تخطرله يسافر لطرابلس دون سابق أنذارومايحسب لامصاريف ولامسافة ولامده زمنية ، بينما الاوروبي يخطط مسبقا ويحسب المصاريف ويحط حتي أماكن توقفه وأماكن تناول الوجبات ومدة بقائه ، ومخطط لتحركاته غالبا بالساعه والدقيقه.
الليبي ، لما يمشي للبقالة يجيب مصرف أسبوع كامل ،طماطم فلفل ، عصير، فواكه ، معلبات ، وبعد يومين يرمي الباقي في القمامه ، بينما الاوروبي يجيب مصرفه بالكيلو وأحيانا بالنصف كيلو ، وبصفة يومية وطازجه ، ولايرمي شي الا القليل جدا .
الليبي، ينفذ المشروع وبعدين يفكر في العواقب والمضاعفات ، بينما الاوروبي يفكر ويدرس ويدفع أحيانا مصاريف للتأكد من نجاح مشروعه .
الليبي ، لما تعزمه علي وجبة يسألك اولا اللحم وطني ؟ والتقطيع كبار؟ بينما الاوروبي يكون في قمة السعاده لما تكون وجبته حوت وشوي فواكه .
الليبي ، لما يركب السيارة انت اللي تقوله أربط الحزام، بينما الاوروبي يربط الحزام من تلقاء نفسه.
الليبي ، لما تنصحه يديرك عدو، بينما الاوروبي يدفعلك فلوس لما تنصحه.
الليبي ، ليبي ، والاوروبي أوروبي ، وأنا ليبي للعظم ، ولايعني هذا اني ضد الليبي ومع الاوروبي ، لا وألف لا ، عندي ليبي متخلف خير ألف مره من أوروبي متحضر ،
لكن مجرد مقارنة بسيطة، واقعية، لامجاملة فيها وينطبق هذا الوصف تقريبا علي عامة شعوب العالم الثالث ‘‘‘!!!!!
موضوع: الفرق بين الليبي ......والاوروبي .....!!!!! 
الأربعاء 22 يوليو - 16:53:52
