الفضائية الليبية

السلام عليكم ورحمة الله

كالعادة نبرم نبرم ونلقا روحي في السوق

اليوم موضوع للكبار فقط الي اقل من 18 يطلع

موضوعنا اليوم على الفضائية الليبية

الله الله الله ابداع والله ابداع

الفضائية الليبية اتمنى من الله عز وجل ان
اهدي رسيفر ونتيجة الي كل العاملين في الفضائية الليبية
او القنفود على رائي مراجع جاري

فعلا لازم نهدوا كل عامل وكل مذيع ومعد برامج
رسيفر ونتيجة
لحظة لحظة انسيت انبه الي كل الاخوة العرب
انا غير مسئول لو حد منكم قراء موضوعي وفتح
الفضائية الليبية علشان يتأكد على مسئوليتة الشخصية
نحن الليبين تعودنا وعدنا مناعة .

نرجعوا لموضوعنا النتيجة لان الاخوة العاملين في الفضائية الليبية
خارج التاريخ او النتيجة الي عندهم قديمة لازم يدركوا ان نحن
في 2009 او في القرن الواحد وعشرين
الجماعة راقدين مازالوا في السبعينات

والريسيفر علشان ايشوفوا الفضائيات العربية الاخرى
لان انا متاكد ان مافيش مذيع او معد برامج عمره
شاف فضائية اخرى مازالوا في الجو الاول

والمصيبة انها فضائية يعني على رائي اخواننا
المصريين فضحيتنا بجلاقل

من كم يوم واحد لبناني سائلني انت ليبي
قتله بكل فخر نعم ليبي قالي يا اخي غريبة
الي ايشوف الفضائية امتاعكم لا يعتقد انه
فيه ليبي عنده شهادة ابتدائية

مش امصدقيني افتحوا شوفوا الفضيحة الفضائية
وانا متاكد انك حدور عليها لانك حافظ
ارقام ال mbc وروتانا والجزيرة و lbc
وعمرك ما فتحت الفضيحة الليبية

عطيها حبتين ضغط ووحده سكر
ولو اعصابك مش تمام اربعة روج مية مية
وافتح على القنفود وليليتك سعيدة

سامحوني سامحوني ومنكم السماح

الله ما اجعل كلامنا خفيف عليهم

وشيل ايدك على الريموت كنترول
اوعى اتحط على القنفود
مش راح تغمض عينيك جديات

وروح يا فرج روح