المخدرات
المخدرات افة العصر و هذه قصة عن شاب ليبي قتل امه بسبب المخدرات.......
ابو الشاب غنى (امعبى) بوه مسافر الى الصين يبي ايجيب قطع غيار للمحل الشاب ماشى مع رفاق السوء زردة فى الحوازة ساهرين الى الساعة 1:00 فى الليل ياخدو فى الهروين قالولا انت الراجل فى الحوش و بوك مسافر و انت امعبي جيبلنا فلوس خلينا ناخدو مخدرات (عبوله راسه)امشي للحوش الساعة 1:30 فى الليل نوض امه من النوم قاللها نبي 500 دينار قالتلا شن تبي ادير بيهم قاللها نبي نمشي الى تونس قالتلا ما نبيش نعطيك فلوس افتح عليها موس قاللها اعطيني الذهب يلى فى يدك و الخراصات قالتلا دير ليتبي اديره ما نبيش نعطيك شئ ..الشاب شد امه اخنقها من رقبتها و ضربها بالسكين سبعة ضربات بكل وحشية و قسوة لا توصف ضربتين من السبعة اصابوا قلب الام ماتت..الحدايد يلى فى يد امه قطع اليدين و اخد الحدايد و الخراصات قص ودن امه و اخد الخراصات.الشاب شداته الشرطة و حبسوه فى حبس الجديدة فى الغرارات حكم عليه القاضى بالاعدام بالرصاص و شرط ان يحضر يوم اعدامه خمسين شخص لمشاهدته و الشاب مربوط بسلاسل و هو يعيط يصيح ......كان الجو صافى فى ذلك اليوم لاكن لما جى الشيخ يبي يخطب خطبة على القصاص و القتل تغير الجو لدرجة الاشجار قريب تتقلع من جدورها غبرة و ريح قوية لما كمل الشيخ اهدى الجو اعطى الامر امر الاعدام للرماة بدي الشاب يفرفش و عند لحضة العدام مرت دائرة من الرياح كأنه اعصار..بعد الاعدام رفعوه للجبانة للدفن طبعا يلي يقتل امه لا تجوز عليه الصلاة لما وصلوا الى الجبانة القبر جاهز من اليوم يلي قبل الاعدام حطوه فيه و دارو العجنة ايحطوا فى البوميشي على القبر كلما ايحطوا بومشية اتطيح ايحطوا اسمنت البومشى من الجهة الاخرى ايطيح الارض مش متقبلا الجثة معادش قدروا يبنوا القبر اتصلو بشركة اعمال البناء جابو قطعة خرسانة طولها متر و نصف و عرضها سبعين سنتيمتر حطوها على القبر ......
موضوع: شاب ليبي قتل امه 
الخميس 25 يونيو - 12:59:58
