الامثال شعبيةالليبية

اللي مرته قصيرة ، يفرح ويقول صغيرة*
ياعين خليك منه كثر البكي والغريدي ، إمغير أطلبي فضل مولاك ، يقرب زول من تريدي*
*بالله يا قلبي شرتعها ... يا رحمة ربي موسعها
فيه من كلامه مستكه وقرنفل ، وفيه من كلامه حار زي الفلفل*
*قال للقبر ردلي بوي ... قالّه أنا نستنى فيك
زوجت بنتي باش نرتاح من بلاها ، جتني وأربعة صغار وراها*
*حط الفلوس في فم المدفع يسكت
*الكذاب .. أصبر شوية وانشده
*زي رجل البهيم القدامية ... لا تحك ، لا تصك
*اشكون يسبقك ، كان تجري بروحك
*ما يغلبك كان اللي يقولك أعطيني فلوسي
نضحك ونلعب غير شهلولية ... وضرب المعاني ما يفوت عليّا*
دير المليحة يا ولد وأنساها ... كان عشت على طول الزمان تلقاها*
*لو كان نشكي للنجوم يغيبوا ، البحار تـنزح والصغار يشيبوا
*والله يا قِـلـّة طويسة مُـرّة .. تقلّـع غشاش القلب يطلع برّة
دخانك عماني ... وطبيخك ما جاني*
*ريت بنت في غريان يا مجملها ، نعطي حياتي كان قبلوا هلها
اللي عضّك ...وقّضّـك في سنونك*
*شعيرك ولا قمح الناس
ذِل قرشك ، ولا ذِل نفسك*
تحزمت بيكم درتكم في عوني ... نحساب حملي خفّ ... ثقلّـتونــي*
*تحطّه في القرعة ، تلقاه في البدنجان
*يسمع ما يكره ... ويدير ما يبّـي
*كيف اللي يخرّف في حلمته لحماره
شاقي ولا محتاج*
*جبال الكُحل ... يكملوهم المراود
*دزّوه يخطب ، تعّرس ودار صغار
*الودن تسمع والعقول توازن ... والعين تشبح والقلوب مخازن
الصبر لله والرجاء في المولى ، مع الصبر ماعندي كلام انقوله*
يا ريتني نمشي للصفا والمروى ... نشرب من زمزم لين قلبي يروى*
*عدّينا البحر ، يا بال البحيرة
اللي طلب يُطلب الله هو كريم المعاطي ، والعبد شنو قدره لا يشيّعـك لا يواطي*
أنا بوي لَجـيـت نبكي وقال خيرها وانشدوها ، وقولولها علاش تبكي ، أنا حي مازلت بوها*
*الزين ديمه زين ما يتوارى ... والعِـفـن في الشـدّة تبـان عـواره
*الفـم الساكـت ، ما يـنكـتـبـوش عليه السـوايا
*واحد فراقـه مُـرّ شيـح وجَعّــَدة ... وواحد إذا فـارق إنديروا وَعْده
يسلّم عليك العقل سلامين والثالث يجـيء من حداكم ... لا نريد مال ، لا نريد زرع ، أنا نريد غير نقعد حداكم*
*سلّـم وليـدي قال شنهـو تـبي ، مدام راسي حـي ما تـنْـكبّي
*واحد يحلّـك من قفال حديدك ، واحد على هـمّ الزمـان يزيـدك
دمعات نزلوا من العيــون سخـونه ، الخـد إنكْـوى منهـم تـغـيّـر لونـه*
*بعدي ودونـي يا بنات الدّالة ... ومهبول من يِـمّـن للرجـالة
*يا طير بجناحات بَـرّة بـَرّة .. سلّم على وليـدي اطناش المـرّة
*الشـين ما باش القلب إيرومه ... والزين دارولي عليه خصــومـه
خيار الـتّـبّـع في ولد دمّـه وافي ، يعطيـك صبّاطـه ويمشـي حافـي*
*اللي ماهي فرس بوك اتوقعك
اللى ما هو لك مايبقالك*
بيت رجال ولا بيت مال*
*الرجال محاضر مش مناظر
اللي مايقدر على الحمار يقدر على البردعة*
*اطلق الطير واجري
*لاقيني ولا اتغديني
*اللى ما ياكل بيدة مايشبع
كان طابت النية الحوش يحمل مية*
إن كان حوشك من قزاز ما اتحدفش الناس بالرشاد*
*المال السايب يعلم السرقة
*المية تكذب الغطاس
*عين الودود غلبت عين الحسود
تعاركو الرياح جى الكيد ع الصاري*
مركب فيها زوز رياس تغرق*
مات البحر وصلى عليه الحوت*
*حوت ياكل حوت وقليل الجهد يموت
نسمة من قراجيم الحوت*
الـلـي عنــده بنــات يناسب حتى الــكلاب*
البنت ضرة أمـها*
*البنت عمتها ولو كان من كعبتها
أعطي بنتك وزيدها عصيدة*
*بفلوسك بنت السلطان عروسك
*عليك ببنات الأصول راهو الزمان يطول
*خوذ بنت عمك تصبر علي همك
*البنت أم والثوب كُــم
أكفي الجرة علي فمها تطلع البنت لأمـها*
*اجعل كل ثنيّة عندنا فيها ولية
اللي عنده مرأة قصيرة يفرح ويقول صغيرة*
*من قلة بختي جت كنتي بنت أختي
مركب الضراير سارت ومركب السلفات حارت*
*ما هم إلا هم السّلْفة، أما الحما ماشية منتلفة
*عقربين في غار ولا سلفتين في دار
أم المهبولة قطعت شاربها*
*مهبول من شوى دحية ومهبول من طمع فيها..ومهبول من عطى بنتها للسايب يربيها
ليلى