للشاعر فيصل بوغاليه
خلوا عزيز برايا
لا تجبروه ايدير في سـوايابطـــوع رايكـــم
عـــــــــــزيز بنوعا
ليش كل حاجه عندكم ممنوعا ماتقول جربتوا امـراراللوعا
لابنار قضيتوا اليول كبايا وسر رمضان وحكمته في جوعا
بيش ع الفقاره يعطفوا الغنايا ووقات غيبت الخرتيت ع الملسوعا
تبقا سبب في جيت العزايا ولا من جفاتا دار شال انجوعا
منها اوقات الدار مي بالغايا واللي تخدمه لازم اتجي في طوعا
واللي ترهنا دنيه للشـرايا عــــزيز بمارا
علي غايتا يختار ما يختارا كنكم معاه محوسين مدارا
نين مذهب الطراي م الغزايا وموش كل من دبر سليم ادبارا
مامن اللي غـرر براي دمايا صدام دولته كانت تقول منارا
برايهم ابناها ع الوطاه اثايا وصدام بسلاسـل طيحوا تذكارا
الناس السـفه داسوا عليه حفايا وصدام رغد خلاها تجيب اخبارا
وهي ادموعها فوق الخدود سخايا وصدام من دباير عزوته وانصارا
يرحمهم الله راحو ضناه ضحايا وصدام منتهي وروه في مغارا
بعد عـز واجـد ما القي طـرايا ونخاف العزيز ايصير كيف مصارا
م اللي عند راسه بالخطا قرايا عــزيز بروحا
كان راد ينزلهن اديار ركوحا الا انتوا عللكم دوم فيه اكلوحا
ما تعرفواع العيب قولة هايا كمين بير غيرتوا مسار اميوحا
ماعد ايصـدر ضاميين روايا وكمين نجع منكم كل بيت ابروحا
تما بعد جيرت اجواد سـمايا وحزتوا البر اتاجروا في اصفوحا
لجـواد موتوا وانتوا خذيتوا غاياوما ع الخطا فيكم تفيد نصوحـا
مكلوبه ولقيت صابية شتايا عـزيز ايجيبا
ان عندا علي اعــداد نا راضيبا حتى والعـدد بين الحبايب غيبا
هي خير من قعـدت اقلوب ملايا بغيضهن وتما كل حـد يحكيبا
مدعاهن ابقي ســهراية الحكايا وخير من تناقيل الكلام وجيبـا
تعال ياعزيز انظفو النواي وبين شرع نحتكموا وبين دريبا
ونجيبوا مســامي للعلل وازايا لجواد اتخالص في فريق سبيبا
جمله اقطـع يابال اعداد خطايا خلوا عـزيز برايا
موضوع: افتراضي خلــــــــــــــــــــوا عزيز برايا !!! 
الأربعاء 10 ديسمبر - 14:17:13
