مسجات ليبيا, ليبيا وبس

السلام عليكم

. مازلت فيك نراجي .. ومازلت كامي لوعتك ونداجي مازال ليك معزة وموال صوبك ماقدرت نحزه

2. عمر البدن عالروح مايجزا بلاكم عيوني دموعها سياحة إجعنه غلاكم فيه مانترزا يلي في قلبي واخدين مساحة

3.

4. إحنا ...اللي ذبنا غلا قبلك ...وياما رينا أن كنت ناوى ع الجفا قبلك...أحباب نسينا

5. اسمرعليك الملح محلي دمك وين تضحك يصب العسل من فمك محلي لونك جميل و زانك سواد عيونكخذيت دليل العقل ربي يصونك وحق من بدع زينك و صفي دمك محلي زولك الخاطر أدعالك يريد وصولك

6.

7. اصعب شىء اتوالف عينك.على ماهو شاقى بيك واصعب شىء بنار حنينك..تشكى ما والى يواسيك اللى توده ما يوم ايودك ..واللى تغاليه ايغالى ندك ويقسى بالهجران عليك

8. اقرام محنه مالى طمع فى بير نروى منه حدود غايتى منك اقرام محنه

9. العشره هانت .......خاب ظني فيه ومع الايام النوايا ليا بانت وباش انكافي

10.
......هو خاني ونا حسبته بوده معاي ديمه صافي

11. العظم ينكسر وايعيب لكن يبرى إلا كسرة الخاطر مصيبة غبرة

12. الله لا يغيبك عن عيني حتى انكان بقسوتك ناسيني

13. الي يحبك تمسك بيه.......والي رماك ارميه........والزرع الي يحصده غيرك .....لا تتعب ولاتسقيه

14. اليوم من افراقك خاطري مكسور ويا ويل عيني من ابكاي وراك

15. طريق السلامه ليك وعهد ماننساك من هنا نين يتجوزصغير ضناك

16. إن ضيعت غالي تحبا نيتك تجيبه تجيبه تقطع عروق المحبة والغالي تجيبا سبيبه وان خانك غالي تحبا وكله لله وليه سيبه إدور بيه الدنيا وليك تجيبه تجيبه

17. أن غالتني أنغليك وان خنتني طريق السلامه ليك

18. ايجي يوم واتصلوا صلاة الغايب...علي قلب كاين في غلاكم ذايب...تصلوا صلاة جماعة...علي قلب تاعب كاثرات اوجاعه...وايام صوبكم هو ماتهنى ساعة...مجروح متليع ابغير سبايب..وايجي يوم واتصلوا.....اتصلوا صلاة نوافل ...علي قلب كاين في غلاكم غافل

19. كافيتني بالسية ظالم وحطيت الملام عليا الله يسامحك كافيتني بجمودك وقابلت حنين الغلا ببرودك

20. بين ايدك القلب رهنته وانت عذبته بعذابك تتنهد روحي مسكينه وانت زاهي جنب اصحابك

21. بينى وبينك ما تصير قطيعة نشرى رضاك وخاطرى ما نبيعه حب البشر لو تجمع جميعه غلاى لك اكبر واعظم من هالدنيا الوسيعة

22. تقولوا ملوا وين نبعدوا عنكم اتقولوا ملوا وين نقربوا يا احبابنــــــــا اتغلوا

23. جرح من الاحباب واعر طبه .. لكن اجروح الكارهين شفاء وجرح من صاحب قريب اتحبه ... ايطول ما ينفع معاه دواء واللى يجرحك يوعر عليك تسبه ... واللى يكرهك يوعر عليك دواه

24. حبيبي كنك؟؟؟مغيّب عليا ليش حبيبي كنك لا ريت زولك لا رسايل منك
كنك قاسي؟مازلت وافى ليك وحبي صافيماأنت حبيب القلب وأغلى ناسي

25. حتي ماضيه سيب واصول السلام كيف يكون نساه
وماني اللي عليه نغيب نفزع اوقات تهيالي طرواه

26. داريتها سالت خفا خانتني سبب دمعتي من اللي رحل فايتني..رحل من كيفه تبدل ربيعه صاف بان خريفه..انسيني وانا نيتي معاه نظيفه..بلا موجعه وهي اللي وجعتني.."

27. رجَيتَك نَيْن مشَطْت الشَّيْب اِن كان انْسِيتَك ما هي عَيْب.

28. رجيتك وطال رجاك وانسيتك وما نيتي ننسا

29. رد السلام علينا .. اخطينا معاك امغير يا غالينا .. حتى امجامله رد السلام علينا
رد الــســـلام وســلـــم ...حتى انكـان تقـدر عالكـلام تكلـم
سبيت المواجع يـا عزيـز اضلـم...جنـك وجيـت ودرتنـا مـا جينـا دزينـا دليـل الليـل ويـن اضلـم....انكان اتريد تضحك يا عزيز اشقينـا

30. زايد علينا بيش ياجارحنا......انسيت الغلا ننسوك حتى نحنا

31. كيف ماعرفتك ساهله ننساك ان كنك تصدق ريت .. يوما الى انت جيت جابت الدنيا واجدين معاك

32. شاور شيره مرات نعدرك ونقول فيها خيره انكانك نويت الهجر ..شاور شيره

33. شد مكانك.في يوم من الايام كان زمانك
غلاك انسينا ...مرن ايام وع الفراق خذينا

34. غلاك مش زى كل الناس يسوى غلاء البيضاء وكثرت شجرها " غلاك في سرت مالقيتله قياس"" اكبر من بنغازي وأطيب من ثمرها " ولا لقيتلك بطرابلس لا حس ولا إحساس"ياسيدى فديتك بغلا ليبيا وعربها

35. غايــــــب زعم ويش السبب في غيابك ان كنا صحيح حبايــب حبيبك ايريد عتابــــــــــــــــك

36. في وين مانرمى الخطا فوق الوطا نلقاك فى خطواتى وفى وين مانشوف السما يزيد الغلا وتزهى معاك حياتى

37. فيه ناس تكرههم وما تبيهم ...وفيه ناس ما تصبر نهار عليهم

38. قول اشحالك ...ياعزيز ماظنى خطاء درنالك...حتى امجامله رحب وقول اشحالك سلامى رده...وان كالك عتب واتى علينا عدا

39. كانك جيت وجاباتك طريق رانى حى فى نفس المكان النيه راه كى لون الحليب وعهدك بى كى عهدك زمان

40. كل يوم نرجي فيك بتكلمني اتقول من ايوصي فيك ماترحمني كل يوم نرجي في رنه ولاني علي بالك قليل محنه

41. كلا كلا لا ندير غيره لا نجيب محله عزيز غالي علي كلا كلا

42. كنت انضنك ايضيق خاطرك لوغبت لحضه عنك كنت انضنك مااتصدق سهارى من حسود ايجنك

43. كنت ليا .. احبيب وغالي ما ادير سيه
ناري كبرت في الجواجي حية .. وسبايب امراض العقل كله منك

44. كيف الأسلحة الذرية يهدم مساكن واجدة مبنية.. خطير صوبكم

45. كيف الصينى تضيق بلاك العين ياناسينى تميت كيف الصينى

46. كيف العادة مازلت للخاطر زها ميعاده غلاك نبع ماينزح ايزيد ازيادة

47. كيف تقول ناسيك انا الحلم نعاود كان مايكونش بيك

48. كيف مانشقابه ولاعاد انحقه بوعيون رغابه كيف ما نمشيله هللي جماله حرت في تمثيله

49. لا تهملني.حتى وظروفك واعرة جاملني،،أنت عزيز الروح. .لا تهملني

50. لاجيتك نشحت ولا نجده . غير قلبي حن ما قدرت انرده

51. ... وين جيتك هملتني ... كيف الغريب في جنبهم خلتنى ... لاسلمت لا رحت لا جيتنى .. مالقيت غير الجفاء والصداه انكان الغوالي في الوسع صدوني ... منهو اللي نلقاه وقت الشدة

52. لاهي نزوة _اخترتك رفيق عمري انريدك عزوة..........موش مصلحة وتمت
موش انصابه_ولاهي علي بهرج حياه كذابه الناس عالوفا والصدق تزابا وماعمر يلتم الرفق والهزوة

53. لو كان بيدي ع الوطا ماتمشي عيني فراشك والغطا هو رمشي

54. اللى ترافقا تعرف جميع افعاله**وطول الطريق اتبين الرجاله

55. ما وجعنى صاحبى خلانى وجعنى غلا سنين فيه انعانى لا ما وجعنى هوا......وجعنى غلا سنين موشى توا....يا صاحبى صارت عليه الدوه .....بعد المحبه باعنى ورمانى.......
مانك رخيص علينا غير الضروف معاكسه ولهينا ما زلت غالى يا عزيز علينا
**ماتحلا الحياه وانت مش فيها...كل ماتمر دقايق اقول وين العسل اللي محليها...

56. مـــــــر قربكم مصعب امرار جفاكم ومنكم تعبنا وتاعبين بلاكــــــــــــــم

57. مرات الظروف وقسوة الحرمان يرمنك عللي مر ماهو ضايق واجد اللي ضحك وهو زعلان وفيه نار لو تطلع أدير حرايق
مره ياليالي العاشقين مره وامر من العلقم الف مره ومره انا لو نضحك نعود نبكي ولو نبكي نملي الف جره وجره ولو نشاكيك يصاحبي بالنار مشكاي لك بروحها مره.

58. مريضه وماني مريضه**ولاني سليمة جواجي والقلب بالهم مليان وفي رحمة المولى نراجي مريضه وماني مريضه..........مريضه ومشغول بالي وضحكة طرب ممنوع................لين ترجعو ياغوالي

59. من قال بعيد ع العين هين ع الخاطر وهو كل مابعد ع العين يخلي دمعها تتقاطر ظني بيه ملاك لقيته حسبها معاي حسبة شاطر متغذي ومتعشي وبيا فاطر ونا بامره كنه يمين عليا ساطر

60. نحسابك تلين تتذكرني نلقاك قاسي وناسي و في الغلا هاجرني كنت نظنك انا نشغلك وين نختفي يطول غيابي عنك يجوني جواباتك يقولوا وينك وين الله يا غلا ما احنك

61. نراجو فيك ياغايب أتجينا بعدك طال طولت الغياب علينا

62. هبي هبي يانسمات تعالي لبي شيلي مركبنا مرساه منازل حبي
هبي هبي شيلينا للي ناسينا نمشوله حتى ونكان عايب ريدي فينا
لاجن من يومن ما غاب علينا تمينا في حاله شينا....ما يعلم بيه الا ربي

63. يا دمعه عيني حراقه ..منهاله من طول افراقه

64. يا طير سلملى على غاليا سلاما يرد الروح ترجع ليا

65. يـاعـزيــز أمـنــيــن؟؟ بلاك مالقينـا صبـر ناوالعيـن
وانت القيته كــيـــف انــســيــت؟وقول ياعزيز الصبر وين القيـت وكـيـف لاتنـشـد ولاحنـيـت

66. يانك عليه اقدرت وبعت غلاى بدون ماشاورت .... وجافيتنى

67. يمكن ويمكن لا الا البخت ما عليه اعبا اعزاز يقسموا يمكن ويمكن لا

68. يا ظالمها ليش والنبي من رسايلك حارمها تسلم عليك العين ياظالمها

69. يا نا اللى فيا تمكن فيا حبه كيف من مريض بشين واعر طبه

70. يا ناس وين اندسه ..يجدد وفى وسط الكنين انحسه

71. ويش اديرله هلى عطيتا ودك ......... وما حس بجروحك بهزوة ردك هلى عطيتا حلمك واعلن بحربا ............. وانت عالن سلمك معاك ايتغير بين يوم وليلة وانت اتهاتى بالغلا من جدك ما تبكى حداه بدمع لا تغنيله خلك بصبرك من جفاه ايسدك البس لباس القســــــــوه كون مثيله راه الحنان ان كان زاد ايهدك ويش اديرله هلى عطيتا ودك وما حس بجروحك بهزوة ردك

72. وين ادرياك ،، اغيابك شغلني مالقيت اخبارك

73. ويش السبب ماقابلاتك عيني ،، مشغول والله بالزعل ناسيني

74. هناك ناس تكرهم من أول ليله *** وهناك ناس ما يهونوا سنين طويله

75. نــاس تمشي وتجي ما يهز القلب لقــاها ونــاس غــايبة واخـــذة العـــقل معــــــاها

76. وين مـــا نقـول نهونك يلي مذوبنى سواد عيونك
لا حذاك في الدنيا علم لا دونك ولكن خسارة فيك عاكس عوني

77. هناك ناس تلقاهم أجواد وخيره *** وهناك ناس خلطتهم ذهابت شيره

78. مبروك عليكم مادرتو يلى اخترتو خونت ناس غلاهم كنتو مبروك عليكم مادرتو

79. صورتك مرسومه على الموج والبحر فوق القمر ونجومه هيا روح وحده بينا مقسومه وكيف ننسى

80. لو كان تحن ياغاليا اتعجل اشويه تبقى سريع الجيه

81. غلاك زرابى وانت فى ظروف الحال مانك غابى

82. غلاك ماكن نار فى وسط الجواجى ساكن

83. مازلت عاشم فيكم ومازالت لعيونى اقراب نبيكم

84. وحق النبى ياخال وحق عيونه مانبدل صاحبى لا نخونه

85. الموت كاينه وتكون غلاك هو الواعر

86. غلاك كيف الكيف وانت الكيف ياكيف خاطرى

87. غير اتجينى مازلت فى قلبى حتى كانك ناسينى وتلقالك عذر

88. مرهون ومازلت انريده حتى انكان اوليده فى ايده

89. يعوض علينا الله فى اللى مشى وخلانى سيورنى ننساه كيف مانسانى

90. تحزمت بيك وانت رخيت حزامى فى عز العطش بيرك نزح قدامى

91. كيف انطولك يلى شبيه الخمر مفعولك مدمن عليك وفيك

92. ياتكون ليا ياتكون حرب وحرب تالته ودوليه

93. نعلنهاعليك اليوم ياتكون نصيبى وقدام العرب تعلن اليوم حبيبى يانرمى عليك قنبله ذريه

94. صباح الحب يلغايب ياسكر بالعسل ذايب عسانا فى بالك عسى ظنى ماهو خايب

95. خنتنى وانا شاقى بيك مبروك وانا انهنيك

96. بينك وبين عافيتك من دون العرب مازلت انا فى نيتك

97. راهو العقل مايزهى الا بمراده والمريض ادرى براحته ورقاده امتى بتيجينا

98. اللي قلبه على حبيبه يدور عليه ويجيبه

99. إن قدرتني نقدر علي تقديرك *** ويبقى مكانك دوم فوق الراس
وتبقى رفيقي ما اندور غيرك *** وموحال ماغيرك إنجالس ناس
وان بدلتني بينك وبين ضميرك *** وماعاد نشقى بيك يوم خلاص

100. ديرن يا لنظار عزاكن....دوم تباكن....ما ننهاكن.... نا وياكن....على لولاف انسيل معاكن

101. عليك هنت ولامن ظروف عصيبة *ياناسي طالن ايام الغيبة
ونارك مع وسط الستاير ترقة طالن ايام الفرقة

102. غير ليش يا صاحب ايامي تنسى ... تغلط وانا نسامح وتزيد تقسى
وامخليلك مينا بحري فيه ترسى ... غير ليش يالصاحب عليك نهون

103. ياعزيز غلاك فــ قلبي انقيمه... شيء كبير وعشرة قديمة
وانت فــ بالي والغية ديمة ... شيء ساكن في المكنون

104. غير ليش نويت عالرحيل ... وانت الي لي عز دليل
كيف بنعدي ايامي والليل ... وانت بعيد يا زهى العيون وليش عليا نويت تغيب .. وتخليني كيف الغريب فــ دنيا ما نعرف من وين نجيب ... طيبة قلبك انت يالحنون

105. كان الجفا يرضيك يا مشكايا****جرب انكان اطيق يوم بلايا
جرب قيس الحرقه****وقيسه عذاب مرارنا والفرقه

106. مازلت شاغلني وننشد عنك ** قليل خير ماتنشد عليا كنك
كيف قبل وتالي مازلت ياصاحب حدود امالي

107. موش دار بقا اللي مازلو علي ينشدو ننشد ونغابوا وما جوني أنجيهم نا ...!

108. نا نقدر نعيش بلاه ......... كذاب خاطري انكان قالها

109. نغمض عيوني نلاقيك ساكن فيا ....طيفك لو مر قدامي ... هادي حاجة لا ارادية ...
سلام العين للعين والعين ماتصبر بلاكم
سلام القلب للقلب والقلب ينبض بغلاكم سلام الروح للروح والروح دائما معاكم
لاتشيل هم السية ولاتقول الدنيا ضاقت اليوم عليا .. بعد تنعقد تنحل طية بطية .. وياتى الفرج فى وقت ماتتدريبه
لو كان مانك غالى لاندورك ولانحسبك فى بالى لو كان مانك زين.. لو كان مانك من العرب زينين .. لو كان مانك خير من الاخرين ..ماكانت عيونى بالدموع تعانى
مش كل من يعشق يطول وده .. ولا كل من يأخد قليب يرده ..غلاى كابر ليه زمان ومده ..غلاى كامل محال تلقى نده ..غلاى صادق يصعب عليك تصده ..غلاى دايم للعزيز فى بعده ,,غلاى وافى مازلت صاين عهده
العظم ينكسر ويعيب لكن يبره ..الا كسرة الخاطر مصيبة غبرة ..العظم ينكسر ويعيب ..ويجبر ويبره على ايدين طبيب الاكسرة الخاطر ادير الشيب .. تخلى كبير القدر يبكى بعبرة

110. مكانك فاضي.بديلك يجوا مليون ماني راضي.... في القلب خليته مكانك فاضى
رنة برنة ... لا مل عقلي لا عليك تهنى ... أمواصل سريب غلاك رنة برنة

111. عليك فجيعة ... فطموها وهي فاول أسبوع رضيعة ؟؟ العين من يربيها

112. على من تخطر ..... ايغيبوا عليها وهي بلاهم تصبر .. العين راضية لكن علي من تخطر

113. مش كل من فارق الجو ايعكر , ولا كل واحد تربط معاه مصير , مايجى العلقم فى مكان السكر , و لا القطن يرقى لمستوى الحرير ,
الناس قالو عيد قلنا بينه .. إحنا عيدنا يوم الحبيب إيجينا ..
كل عام وإنتم بألف خير , عساكم من عواده

114. محظوظ من يمتلك من وقتك ساعة .. تبتسم دنياه وتنتهى قصة أوجاعه

115. إيش القصه .. زعلان ولا من الحسود موصا .قول تكلم ومسى علينا ياعزيز وسلم .فى غيبتك تبكى العين إظلم .. نارك إتلهلب فى الكنين أنحسه
وكان حد م الحساد فيك إيكلم .. أنت حبيبى بى ماعليك توصى إيش القصه

116. يلى مشيت بشوقى مازال منك ما خديت حقوقى تعال نقسموا

117. شايلات دبشهن راحلات في جرت غلاء داهشن،،لانظار رايفن

118. يارايتك يانوم اتجينا واتجيب أمعاك غوالينا..

119. غاب زهاها...قهرها افراقك والبكا شقها لا هناك صاحب لاعدوعزاها بعد ماتضل

120. العين من يحسبها تندب تنوح وما ونيس امعاها وتمت غريبة وهي بين عربها غاب طربها قهرها افراقك والبكا عذبها...

121. سلامي على الاجواد ديمة ديمة اصحاب النفوس الطيبة الكريمة ان جيتهم ايلاقوك بالتبسيمة عادات فيهم من زمان قديمة سلامي على الاجواد ديمة ديمة
صوتك حنون ودوتك ركاحي وانفاسك دفى ودواء لجراحي ... صوتك حنون عشقته زي العسل ادمنته وعلى صوت نبضاتك الهم دفنته بقيتي ونس ليلي ونور صباحي ... صوتك بقى وناسي ومع همستك نفقد جميع حواسي .

122. انت عندي للعين نظر .. بلاك عيوني تنظر كيف .. انوالف غيرك مانقدر .. اطمن ياسمح التوصيف .. على بالي مايوم خطر .. اني خاطيك اندير وليف .. انت سكر ساقيني مر .. انت للمدمن كاس وكيف .. وانت الغيم الماطر .. وانت ظلى في وان الصيف
لا طرابلس جابت شبيه خيالك ولا بنغازي رافقها شبيه غزالك .. مافيش كيفك زول وانت شبيه الخمر في المفعول .. وانت اصول الفعل والمفعول .. وانا قدامك فاعل باني حبه بيك على طول
ياقلب قيم الصوب امعاهم .. عرب مالفا عالعين من يسواهم .. ياقلب صوبك قيمة وراعي غلا لولاف ديمة ديمة .. ياعين كوني في غلاك سقيمة .. ولا تنقصي في قول يوم معاهم

123. مازال شاغلني وننشد عنه .. قليل الخير ماينشد عليا كنا .

124. ماكان ودي في الحياة ننساكم .. ولكان قلبي لغيركم مفتوح .. ولكان طبي طب غير دواكم .. ولاكان نبض خاطري مجروح .. ولا كان بالي يرتجف لولاكم .. ولا كنت سري للغيرب انبوح .. ولا كان عندي هم غير رضاكم .. ارضوا عليا يا ساكنين الروح

125. رافقت واجد من رفقاني .. مالقيت واحد رفقته حقاني .. رافق اللي ايصونك وين يبرمن الايام يفزع دونك .. ما ترافق اللي يغدرك ويخونك في الوجه يعجبك وفي القفى تعاني .. الصاحب اللي ماتلقاه وقت الشدة قوله شحالك من بعيد اتسده .. الصحاب في وقت الوسع مامنهم في وقت الضيق ماتلقاش واحد منهم .. غني قلب ماني غني مال .. مبسوط غير شاقي قاعدلها تحت الاظلال حاسب حساب الفراق

126.
خدوا العقل خلوني اندوح وراهم .. اعزاز مانقدر انعيش بلاهم .. نارهم ولاعة .. اعزاز ما انطيق نبعد عنهم ساعة .. خدوا العقل خلوا خاطري بوجاعه .. ايخمم على مقعد جديد بلاهم .

127. عالصدق عشنا والوفاء شيمتنا .. مهما ابتعدنا غاليا عشرتنا .. من ايعزنا انعزوه .. واللي يودنا انودوه .. مايوم يندم على رفقتنا

128. ندفن حسه ونقطع عروقه ونقتله وندسه قلبي ان كان نسيكم .. انسل وريده حتى مكانه نحرقه ونبيده .. وان كان شكا من النار نار انزيده

129. ودي اجيكم ملهوف .. عابر كل بحور الخوف .. بس كل شي ضدي الدنيا وحظي والظروف .

130. مش كل من حبّك يحب بنيّه ... ومش كل رفقة على الوفا مبنّيه
تلقى اللي يحبوك .. وتلقى اللي في الناس ما يبوك .. وتلقى اللي بالخير
ديما يجوك .. وتلقى اللي ما فيك يرضى السية
تلقى الوفي مالحته .. وتلقى اللي يذمك انكان مدحته .. وتلقى اللي ايبيعك
علي مصلحته .. وتلقى اللي في الطبع كيف الحيّه

131. كل الاماكن ضاقت** مش بس روحي يا عزيز اشتاقت ما نيش بس بروحي** كل الاماكن بالدموع تنوحي في غيبتك نزفن جميع جروحي **واسال ضميرك كان عندك شك

132. انسيت زمانك وقلبى مليته صبر درت مكانك واجد تبعتك غرنى شيطانك
طرق قبل مانعرف الهن جبتينى

133. خليتني وين الطريق اطوالت وسيبتني لما ظروفي مالت

غطه سحابك عالمطر لما انطفه قنديلي

وعطشتني فى عز المطر ونا شاد بيك رحيلي

134. مدري أنا على بالك وإلا قاصد تجافيني
وإلا العله في جوالك وإلا أنت فعلاً ناسيني

135. تغيب وغيبتك صعبه تحسب الحب تسليه ولعبه
تذكرني على كيفك وكل مره تطلع بكذبه

136. كثير يراسلك غيري وبأحلى من تعابيري
عساهم بس ماينسون انك لي مو لغيري

137. أدري أحبابك كثار وكل مطلوبي اصير منهم
صدقني ماني بطماع يكفيني لو آخرهم

138. وين انقول خلاص ارتحنا *** يخطر زول اللى جارحنا

139. خايف بعد تغلى إيزيد حنينى .. يجى يوم ترحل فيه وإتخلينى

140. ما ني امتاعة دوه .. وماني اللي تشحذ فل الغلا بالقوة
ولاني اللي تنطق نين يبدا هوه .. الخطا والسيه ماهن اللي من طبعي .
ما تقدرش تحكي .. خوفك منه ومل الغلا تنجرح
ولو بدا بالسيه تزمط وتنذبح .. اسبيله قولة الخطا ما انرده

141. مانى لايمك وما عليك ملام الى نسيتى غرامى فى ثلات ايام

142. وينه وينه كوانى بنار غلاه لاكن بينه الغالى فداه الروح وينه وينه

143. زيد تغلا يلى بسمتك تشفى المرض والعله على خاطرى بالله زيد اتغلا

144. ديما ديما لين البحر ينزح ايبان رديمه اترايف عليك اعين ديما ديما

145. الصوب غير حرق قلوب قليل وين لولاف يقسمو

146. شوف اوراقك وافتح كتاب الصوب دير احسابك تلقا اشواقى فايتات اشواقك

147. لاريش لا جناحان باش انطير مرايف عليك العقل ويش اندير

148. ماعاد بيدى حيله ولاعاد نقدر من اعروقى انشيله غلاكم بديل الدم

149. ماهننى لك يرحلن باشواقهن وايجنى فى غيبتك لنظار ماهننى

150. احنا اللى دبنا غلا قبلك وياما رينا ان كنت ناوى ع الجفا قبلك احباب نسينا

151. دبر راسك مرايف عليك مشتهى مجلاسك وماتقولى مشغول

152. دبر راسك

153. اللى ناسى ياعين انسيه سريبه ماعاد اتجيبيه

154. عاركتك ما فاد اعراك ان غاب امناك يسيل دمعك قدام اعداك

155. ما فاد كلام ولاجابه ياعين اخصام عدي الماضي كان اوهام وشدي اخطاك على اللي لا دوّر لا جاك

156. عدي ياعين اللي فات الماضي هللي ليه سنين كيف من جاه اوليد ومات وصابر كيف اللي صابرين داري على الناس الدمعـات نص العزايا شامتين

157. اللي كان مصّفي النيات اليوم جفاك أجديتي وماجاب جداك

158. قلبى دوبك خديته بحبك ف الغلا واسلوبك

159. يلي غلاكم نادر يحمل بلاكم العقل ماو عاد قادر ذاهبين شيرته...

160. نص بنص لاهنت في اغيابك لا غلاك نقص؟قلسم الروح معاك نص بنص

161. كيف عهدك بي-لاخاب ضنك لا تغير شىء-مازلت وافي..كيف ما عارفني مازال موجك والغلا جارفني كيف ماكنينك من زمان عرفني...غلاك في عروق القلب قاعد حي....

162. ما هناك غير الجتة..... الا العقل متقسم شظايا ستة..... بعد غيبتك.....

163. ما نريد جفاك..... الا الظرف حاجرنى على ملقاك ..... انريد نوصلك.....

164. انكان الشى بالتمنى ..... كل عين تمسك امناها.....وامنين الشى بالمكاتيب تعبر على ما عطاها.....

165. يا مرسال اخلطنى بيهم ميت موت ارياف عليهم.....

166. نستاهلها ربيت كبد نحسابه يبى ايدللها..... كافاها عزيز ابجرح نستاهلها

167. يزهى جميع ما فى القلب عزيز وين عينى تنظره..... العقل لا تزيد عليه..... رقيق عزم بكانى يا علم.....

168. ما هن اللى يجدن ولا عمر جافيهن عليه ايردن ارباوة عصر.....
لا ايرومن جافى..... لا ينزلن كان الربيع الصافى..... ولا ايرافقن كان الرفيق الوافى..... باقدار وحنان وعطف فيه ايودن

169. يا جميل الصوت .....خليت خاطرى بين الحياة والموت..... الله يسامحك

170. لاريش ولاجنحان بيش انطيرو . مرايف عليك العقل كيف انديروا

171. مانى راخى نار الجفا تاكل وزاد صراخى انى فيك متمسك ومانك

172. راخى

173. نبيه السهر يانوم راك اتجينى مادام ماريت العزيز ابعينى

174. ماكيف ودك ود ولا يزاحمك وسط الغوالي حد ياقلب صافي بالغلا ممتد عليك ننشدوا

175. صدقني كذاب من قال الموت مرة ... جرب تشتاق للغالي وشوف تموت كم مرة.

176. علمتي الدنيا اصبر علي غياب الاحبة لكن علمني الوفا ما انسي اللي احبه

177. ماليش غيرك يازهور ربيعى .. شارى هواك حتى إن كان إتبيعى

178. ماعاد كيف زمان ...عزيز خانى ومبروك عــ النسيان نقبل عزاكم فيه

179. ماعاد كيف العاده ......عزيز باعني وشمت الحساده

180.
ليش يا طبيب الجرح مابا يبرا عيني شكت .. و القلب فاقد صبره

181. ونا مليته بروحى بلا غالى الليل خديته مل السهر منى ونا مليته

182. عامد قبره غلبان منتهى بالشوق مابا يبره وانكانك

183. بطيت عليه عامد قبره

184. عقلي شور عزيز سبقنى مستعجل وايقول الحقنى

185. اصعب احساس اتحسه اتغالى عزيز وفالكنين ادسه وهو فايتك

186. النوم الهنى والشوق مايتلاقن وين الهنا كان العيون اشتاقن

187. خان غلاي وقسمي لطه** ***خنجر بين اضلوعي حطه

188. صباره عيني ما اسمحها----حتى كان عزيز جرحها

189. من خونه لولاف او جاي----انخلط في نومى با ابكاي

190. كان على صوبى لايمت *** ماعندى حاجة غير انت

191. انت عينك عين اللى عين ***حدر شال الصيد بلتنين

192. قاضي الياس غلانا ضره*********حكم اعدام من اول مره

193. ما اتقولوش العين حنونه ********خاينها ودافع دونه

194. صبرن يا عزيز سنين اللي قبل يوم يكيدهن

195. شراب في ا لمفاصل ذاب غلاك داه ما لا دواء.

196. قليلة نجا ياعين من يوما وطيـتي نارهم

197. كبرت نار شاطت نار ولعت نار في نار قابلت

198. كبيره عليهالعقل تجفاه دار ويعاود لها

199. كذاب يا منام الليل تجيب في ناس طال ياسهم

200. ليش يا عزيز ادير الصوب وأنت عابي ع الخطا.

201. ننهاك ع الغني ياعين نلقاك في سريبه عايله.

202. متقاوى سطير الجرح .... واسرع خطاك يا جايب الدوا

203. بلا عزيز مو بريان .... الجرح لو اداوية بالدى

204. وجميع ما يداوى الجرح..... داويت بة ومالت ما بريت

205. صوت وصورة هاللى بعيد الدار مانا شورة يجىفى منام الليل

206. ترفع رموش العين وتواطيها ...يسيل دمعها يخطر عزيز عليها العين رايفت

207. راضى ومانى راضى غوالى جفاهم كيف حكم القاضى مجبور نقبلة

208. ليا وبس هدا شعور احساس بيه انحس عزيز خالقة مولاى ليا وبس

209. انا رفقتى مبهاها رفقة عرب تعرف تصون غلاها .ومحبتك فى القلب

210. ماننساها وروحى فداك وحق من سواها

211. جفاني عده .... رضي بالخطا قطع وصايل وده

212. جفا وخساره... أيصيف الربيع وينتهي نواره اللي قبل مانزهي الا في داره

213. خلانى عزيز ايتيم بكاى الليل والليل ماتم

214. وينك وينك عندى عليك حقوق خلص دينك رانى بنشكى فيك وينك وينك

215. يلى عليك خديت تقدر بلاك العين ماضنيت

216. يانا عليهن يانا تصبير دارلهن الله ليبيانا الانظار يذرفن

217. ماكيف شوقى شوق نطرب مع نسمه هواك انروق اتزيد غلا

218. الخاطر كان اتزيد عليه ايذوب ارياف ونوحل فيه

219. خيرتهن واختارن يموتن ولا غيرك غوالى دارن لنظار فى الغلا خيرتهن واختارن

220. نبنيك ساس بساس وانريدك غلا فوق غلا فوق ع الناس غلاى كان تقدره

221. ماهنك غير الدمعه من السبت نذرف لانهار الجمعه من السبت يبدا شوقى والاحد يبدن فى الشطيح عروقى

والاتنين من تحتى اللهيب وفوقى ويوم التلات نذوب كيف الجمعه ويوم الاربعاء نزعل اتضيق اخلوقى
وعندى الخميس تموت كل اعروقى ويكبر اهبال العقل يوم الجمعه

224. ياعزيز اذارعك واشبك على خصرى اطراف اصباعك لف بحنانك ياعزيز اذراعك

225. الكبد ياعزيز عليك انكان مو رقيقه ذايبه

226. عايش فى مكنونى جوه*****صوب غلا بو دور املوى

227. جاب عزيز اليوم خيالى*****سبحانه كيف تهايالى

228. فاضى ويدور عالفاضى*****ناسى كل امرار الماضى

229. بين الياس وبين رجاكم*****حيرتوه العقل امعاكم

ننسوه عزيز علينا*****عايش فالوجدان وفينا

231. قديم جديد غلاك امعاى***** امعاك وفيك القيت دواى

232. تسكب وين اتجى لو هامه***** تدكر فايام غرامه

233. فال عزيز معانا طيب***** فيه رجا عقلى ما خــــــــــــيب

234. حنون انسامح مهما صار***** على جرح اولافى صبـار

235. زلت انراجى فى صوبه*****حتى كان اقسامه جوبه

236. خايف ما لياس ايوجعنى *****فى صوب الغالى يفجعنى

237. صباره عيني ما اسمحها----حتى كان عزيز جرحها

238. نهونى عقالي مابيت-----بروحي عا النار اداعيت

239. من خونه لولاف او جاي----انخلط في نومى با ابكاي

240. عينى كيف الثوب البايد*** تهفى ع اللولاف بزايد

241. وكال العشبة الرهيفة *** جبتى واجد من توصيفه

شكرا لك على البرنامج ... أخي ليبيانا للناس التعبانة

Very Happy

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته،،

شكرا ً لك على الموضوع

تحياتي

المدير العام للمنتدي