سته خير من سته

هذه اقوال بعض الشعراء ..

قالوا ثلاثه ما تاخذهن لين تنشد عليهن

وثلاثه ما اتريح لين ما تفتك منهن

وثلاثه كان بطن غابت طعمتهن

الثلاثه اللي ما تاخذهن لين تنشد عليهن ..

العسل ،، اللبن ،، والوليه

والثلاثه اللي ما اتريح لين ما تفتك منهن

السوسة ،، والدين ،، والرفيق العطيب

والثلاثه اللي كان بطلن غابت طعمتهن

العزومة ،، والتعزية ،، وصلاة المغرب

قالوا ثلاثه يجيرك الله منهم

وثلاثه راك ترافقهم

وثلاثه راك تصنتلهم

وثلاثه راك تصبح فيهم

وثلاثه راك تهلب رايهم

الثلاثة اللي يجيرك الله منهم

ولد الحرام ،، وقطاع الارحام .. ووكال رزق الايتام .

والثلاثه اللي راك ترافقهم ..

الهبل ،، والعطيب ،، وقليل المروة

والثلاثه اللي راك تصنتلهم

الفتان ،،والكذاب ،، وشاهد الزور

والثلاثة اللي راك تصبح فيهم

الاشكل ،، والمعيان ،، وغضيب الولدين

والثلاثة اللي راك تهلب رايهم .

صلاي الاوقات ،، وطعَام العيش ،، ورضي الولدين

قالوا سته خيرمن سته والسته ما فيهم خير

العافيه بلا صلاة ،، المرض خير منها ،،، والمرض مافيش خير

المال بلا زكاة ،، الفقر خير منا ،،، والفقر مافيش خير

والقبيلة الظالمه ،، الغربة خيرمنها ،،، والغربة مافيهش خير

والزوجة النكدية ،، العزوبية خير منها ،،، والعزوبية مافيهش خير

والضنوة العطيبة ،، العقر ( العقم ) خير منها ،،، والعقر مافيش خير

والجار القبيح ،، الوحاديه خير منا ،،، والوحاديه مافيهش خير

صحيت على الشعر بس فيه بيت مفهمتاشي ؟؟؟؟؟؟؟؟؟ Exclamation

الاشكل ،، والمعيان ،، وغضيب الولدين