السلام عليكم ورحمة الله وبركاته
اسم القصيدة مــــــــازلت صاحــــــــب قــــــــــدر
القصيدة للشاعر / ناصر بوعجيلة
فيه العلم مازلت صاحب كيف......... نمشيله ومانذهب بلا توصيف
مازلت صاحب قـــــــــدر .............اللى علم مازلت نندر ندر
وعلى عزيز مازالن سيولى حدر......... ونسابه انكان طروه فى تخريف
هلى جبينه كيف ضى البدر ...........تلال مع نسمه ليالى صيف
ومازلت وافى ماعرفت الغدر .......مبداى صدق مانعرف اسلوب الزيف
مازلت صاحب عفــــــــا ............. ومنازل الدناوه عمر ما نعرفا
منازلى منازل بوسيور وكفا ..........ماهن منازل من نزل ع الجيف
وصيدى حبارة برتملا قفا .........شحمها دوا اللى بصير كفيف
ورواد للعفا ونوارته نقطفا .............ومازلت كى ضارى نظيف عفيف
واللى اتعافنى عياف ما نعرفا........ وراه المحبه ما تجى بالسيف
مازلت صاحب قاب....... بين عيلتى والناس والاصحاب
ومالت صاحب كيف فى لصواب....... وانشارف لهم يا صاحبى تشريف
ومازلت ع اللى ينفعو جواب ...........بى يكبرو وايمنا نجيهم ضيف
واللى مو علم قافل عليهم باب ............لابينا صحبة و لاتعريف
لــــــــــى مبــــــــــــادى............. مازلت متمسك ابهن من غادى
لاانبيع وطنى لا انخون بلادى ..............و الضيف نكرمه ونروف بالضعيف
ولاعمر كهب م الصعاب جوادى ...........ولاعمر سموها على خفيف
امعيه عصر عايش حياة ابوادى .........بعيد من اقطاف الخلق و التنكيف
وانجول فيت ع الزينين ولجوادى .........اللى حديثهم ما فيه شى تعكيف
موضوع: مــــــــازلــــــــت صاحـــــــب قـــــــــــدر 
الأربعاء 16 يناير - 17:10:30